Rusiyadan daha 192 azərbaycanlı vətənə gətirilir

Bu gün daha 192 Azərbaycan vətəndaşı təyyarə ilə Rusiyadan ölkəyə gətirilir.

"Report"un Rusiya bürosunun verdiyi məlumata görə, Moskvanın "Domodedovo" hava limanında soydaşlarımız "Azərbaycan Hava Yolları" Qapalı Səhmdar Cəmiyyətinin Moskva-Bakı reysi ilə vətənə yola salınıb. 

Qeyd edək ki, uçuş yerli vaxtla saat 16:00-a nəzərdə tutulsa da, yubanma baş verib. 
Moskvadan havaya qalxan təyyarənin saat 21:00-da Heydər Əliyev adına Beynəlxalq Hava Limanına enməsi nəzərdə tutulub.