Bakı. 16 dekabr. REPORT.AZ/ “ASAN xidmət” dünyanın bir çox ölkələrində xüsusi rəğbətlə qarşılanıb. “Report”un xəbərinə görə, bunu Sabirabad şəhərindəki Heydər Əliyev Mərkəzində ASAN Könüllülərinin I Ümumrespublika Forumunda çıxışı zamanı Azərbaycan Prezidenti Administrasiyasının Hüquq-mühafizə orqanları ilə iş şöbəsinin müdiri Fuad Ələsgərov deyib. O bildirib ki, “ASAN xidmət” mərkəzlərinə 3,5 milyondan çox müraciət daxil olub. F.Ələsgərov bu müraciətlərin təmin olunmasında könüllülərin xüsusi rolunu qeyd edib.
Qeyd edək ki, ASAN Könüllülərinin I Ümumrespublika Forumunun açılış mərasimində Azərbaycan Prezidenti İlham Əliyev iştirak edib.