Yuxarı

​Azərbaycanda əlillərlə bağlı statistik məlumatlar açıqlanıb

300 min nəfəri, yəni 56 faizi daimi əlilliyi olan şəxslərdir

Bakı. 15 dekabr. REPORT.AZ/ Bu gün Azərbaycan əhalisinin 535 min nəfəri (5.6 faiz) əlilliyi olan şəxslərdir. “Report”un məlumatına görə bunu “Azərbaycanda əlilliyin qiymətləndirilməsi. Cari nailiyyətlər və gələcək addımlar" mövzusunda keçirilən iki günlük beynəlxalq seminarda Əmək və Əhalinin sosial müdafiəsi naziri Səlim Müslümov deyib.

Nazir bildirib ki, bunlardan 300 min nəfəri, yəni 56 faizi daimi əlilliyi olan şəxslərdir. “Qalan 235 min nəfəri isə (44 faizi ) müvəqqəti, yəni mövcud qaydalara uyğun olaraq müəyyən müddətə təyin edilən şəxslərdir. Eləcə də həmin 535 min nəfərdən 473 mini 18 yaşdan yuxarı olan şəxslər, 62 min nəfəri isə 18 yaşına çatmamış sağlamlıq imkanları məhdud olan uşaqlardır”.

Nazir əlavə edib ki, bütün bu şəxslərin əlilliyinin düzgün qiymətləndirilməsi üçün istifadə olunan mövcud meyarlar, şəxsin tibbi vəziyyətini və baş vermiş cismani xəsarətlərin qiymətləndirilməsidir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi