Deputat 190 manatlıq yardımdan danışdı

“Bizdə belə anlayış var ki, əməkhaqqı cədvəlinə qol çəkməyən işsiz sayılır”.

“Report” xəbər verir ki, bunu Milli Məclisin Regional məsələlər komitəsinin sədri Siyavuş Novruzov parlamentin bu gün keçirilən iclasında çıxışı zamanı deyib.

Onun sözlərinə görə, cəmiyyətdə sovet dövründən qalma bir yanaşma var: “İnsan var ki, 30 hektar, 50 hektar torpaq sahəsi var, işsiz sayılır. Biz partiya üzvlərini araşdıranda məlum oldu ki, yarıdan çoxu işsizdir. Belə təsəvvür yaranıb ki, adam səhər işə gedib axşam evə gəlmirsə, maaş cədvəlinə qol çəkmirsə, o, işsiz sayılır. Bu gün dövlətin ayırdığı yardımla bağlı müraciət edənlər də ardıcıl müraciət edib digərlərinin yolunu bağlamasınlar”.