Bu ilin yanvar-aprel aylarında 5700 əlilliyi olan şəxsə reabilitasiya vasitəsi verilib

Bu ilin yanvar-aprel aylarında Dövlət Tibbi-Sosial Ekspertiza və Reabilitasiya Agentliyi əlilliyi olan 5700 şəxsi 271 min reabilitasiya vasitəsilə təmin edib.

Bu barədə "Report"a Əmək və Əhalinin Sosial Müdafiəsi Nazirliyindən məlumat verilib.

Bildirilib ki, reabilitasiya vasitələrindən 644-i təkərli oturacaq (o cümlədən 11-i mühərrikli təkərli oturacaq), 870-i aşağı və yuxarı ətraf protezi, korset, 1500-ü əsa, qoltuqaltı və dirsəkaltı ağac olub.

Eyni zamanda əlilliyi olan şəxslərə 2785 cüt protez və ortopedik ayaqqabı, 520 eşitmə aparatı verilib, onların ehtiyac duyduqları digər reabilitasiya vasitələri ilə təminatı həyata keçirilib.