Bakı. 7 dekabr. REPORT.AZ/ Bakıda Beynəlxalq Əlillər Günü münasibətilə "Fərqliyik, bərabərik" filmi nümayiş etdirilib.
"Report" xəbər verir ki, film
12 dəqiqəlik film qəhrəmanlarının - sağlamlıq imkanları məhdud şəxslərin həyat uğurlarına və sosial adaptasiyasına həsr olunub.
Tədbirdə çıxış edən Aİ-nin Azərbaycandakı nümayəndə heyətinin rəhbəri Kestutis Yankauskas bu layihənin hamı üçün vacib olduğunu bildirib.
"Bu gün çox böyük iş görürük. İki önəmli tarixi - Beynəlxalq İnsan Hüquqları Günü və Beynəlxalq Əlillər Gününü qeyd edirik. Hər kəsin cəmiyyətin ictimai həyatının bir hissəsi olmaq hüququ var. Bu layihə hamımız üçün vacibdir", - o deyib.
Bundan əlavə, tədbir iştirakçıları ölkədə inklüziv təhsilin tətbiqi və inkişafının vacibliyini qeyd edərək bu istiqamətdə Azərbaycanın müxtəlif beynəlxalq təşkilatlarla, o cümlədən BMT ilə əməkdaşlıq etdiyini vurğulayıblar.