ASAN Beynəlxalq Assosiasiyasının ilk toplantısının tarixi açıqlanıb

Bakıda Dövlət Xidmətləri Göstərən Qurumların ASAN Beynəlxalq Assosiasiyasının ilk Nazirlər Toplantısı keçiriləcək.

"Report" xəbər verir ki, iclas bu il dekabrın sonlarında baş tutacaq. 

Toplantıda iştirak üçün Fransanın Baş Naziri yanında Dövlət İslahatları və Asanlaşdırma üzrə Dövlət Katibliyi də Azərbaycana dəvət olunub. 

Qeyd edək ki, Dövlət Xidmətləri Göstərən Qurumların ASAN Beynəlxalq Assosiasiyası bu ilin iyun ayında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşəbbüsü ilə BMT-nin Dövlət Xidmətləri Forumu çərçivəsində yaradılıb. Bununla bağlı sənədi Mərakeş, Azərbaycan, Monteneqro, İndoneziya, Əfqanıstan, Türkiyə, Uqanda və Birləşmiş Ərəb Əmirliyinin nümayəndələri imzalayıblar.