Agentlik rəsmisi: Bullinq sırf məktəbdən qaynaqlanmır, ailələrin də rolu böyükdür

Bullinq sırf məktəbdən qaynaqlanmır, burada ailələrin də rolu böyükdür.

"Report" xəbər verir ki, bunu Məktəbəqədər və Ümum Təhsil üzrə Dövlət Agentliyinin direktor müavini Nərminə Hüseynova "Yetkinlik yaşına çatmayanlar arasında aqressiv davranış: Bullinq" mövzusunda keçirilən konfransda deyib.

Direktor müavini məlumat verib ki, 2023-2024-cü ildən Bakıda 62, rayonlarda 300 məktəbdə şagird-davranış qaydaları tətbiq olunub:

"İlkin nəticələr belədir ki, biz yaxşı siqnallar alırıq. Yaxın zamanda bu qaydalar bütün ölkə üzrə tətbiq olunacaq".