Yuxarı

Səfir: "Türkiyə Suriyadakı münaqişənin siyasi dialoq vasitəsilə həllini dəstəkləyir"

Səfir: Suriyadakı münaqişənin siyasi dialoqla həllini dəstəkləyirik
© Report / Firi Salim — Türkiyənin Azərbaycandakı səfiri Erkan Özora

"Türkiyə Suriyadakı münaqişənin siyasi dialoq vasitəsilə həllini dəstəkləyir".

"Report"un xəbərinə görə, bunu Türkiyənin Azərbaycandakı səfiri Erkan Özoral "Barış pinarı" hərəkatının gedişi və mövcud durum barədə Azərbaycanın aparıcı KİV rəhbərlərinə və təmsilçilərinə məlumat vermək məqsədilə keçirdiyi mətbuat konfransında deyib.

Onun sözlərinə görə, bununla bərabər Türkiyə Suriya ilə sərhəddə terror təhdidi ilə üzləşib: "Biz hər zaman bəyan etmişik ki, Türkiyənin təhlükəsizliyinə təhdid yaradacaq istənilən terror təşkilatı ilə mübarizə aparmaqda qərarlıyıq. Terrordan əziyyət çəkən ölkələr arasında Türkiyə birincilərdəndir. Bu günə qədər 40 minə qədər vətəndaşımız terrorun qurbanı olub. Biz terrorla mübarizədə qərarlıyıq. Türkiyə trilyon dollarlarla vəsaiti terrorla mübarizəyə sərf edib. Türkiyə bundan sonra da öz təhlükəsizliyini qorumaq üçün terrorla mübarizəyə davam edəcək. "Fırat qalxanı" və "Zeytun dalı" əməliyyatlarında olduğu kimu "Barış pınarı" əməliyyatı istiqamətində də məqsədimizə çatacağıq".

Səfir xatırladıb ki, Suriyada terrorçuların məqsədi dövlət qurmaqdır: "Burada qurulan terror dövləti təkcə Suriya üçün deyil, həm də Türkiyə və region üçün təhlükə mənbəyi olacaqdı".

E.Özoral vurğulayıb ki, Türkiyə Silahlı Qüvvələrinin əlində heç bir kimyəvi silah yoxdur:

"Türkiyə Suriyada keçirdiyi hərbi əməliyyatı 120 saatlıq dayandırmışdı. Artıq bu müddət sabah bitəcək. Bu müddət ərzində terrorçular 32 km geri çəkilməlidirlər. Əgər bu müddət bitəndən sonra irəliləyiş olmazsa, Barış pınarı əməliyyatı yenidən davam edəcək. Bununla bağlı beynəlxalq təşkilatlar və ölkələr də məlumatlandırılıb. Biz bu əməliyyatda yalnız terrorçulara qarşıyıq".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi