Sankt-Peterburq Qanunvericilik Məclisinin sədri Bakıya səfər edəcək

Moskva. 20 sentyabr. REPORT.AZ/ Sabah Sankt-Peterburqun Qanunvericilik Məclisinin sədri Vyaçeslav Makarovun başçılıq etdiyi nümayəndə heyəti Bakıya səfər edəcək.

Bu barədə "Report"un Rusiya bürosuna Sankt-Peterburq Qanunvericilik Məclisinin Mətbuat xidmətindən bildiriblər.

Səfər MDB Parlamentlərarası Assambleyasının xətti ilə baş tutacaq.

Bakıda nümayəndə heyətinin Milli Məclisin sədri Oqtay Əsədov, bir sıra millət vəkilləri və digər rəsmi şəxslərlə görüşü nəzərdə tutulub.