Yuxarı

Rusiya - Azərbaycan Hökumətlərarası Əməkdaşlıq Komissiyasının rusiyalı həmsədrinin adı açıqlanıb

Rusiya - Azərbaycan Hökumətlərarası Komissiyasının həmsədri məlum olub

Azərbaycanla Rusiyanın əməkdaşlığına dair irimiqyaslı planların yerinə yetirilməsində iki ölkənin parlamentləri mühüm rol oynayır.

“Report” Rusiya KİV-ə istinadən xəbər verir ki, bu barədə Bakıda səfərdə olan Rusiya Federasiya Şurasının sədri Valentina Matviyenko bildirib.

"Dövlətlərimiz arasındakı əməkdaşlığa dair irimiqyaslı planların hamısının yerinə yetirilməsi üçün bütün ikitərəfli sənədlərdə konkret məzmun olmalıdır. Mübaliğəsiz deyə bilərəm ki, burada parlamentlərin rolu əsasdır. Səmərəli fəaliyyət göstərmək üçün məhz qanunvericilər hüquqi şərait yaradır", - deyən V.Matviyenko Rusiya - Azərbaycan Hökumətlərarası Əməkdaşlıq Komissiyasındakı RF nümayəndə heyətinə Federasiya Şurası sədrinin müavini Andrey Turçakın rəhbərlik edəcəyini bildirib.

V.Matviyenkonun sözlərinə görə, hakim Vahid Rusiya Partiyasının baş katibi vəzifəsini də icra etməsi sayəsində A.Turçak iki ölkə arasında əməkdaşlığı siyasi partiyalar xəttilə də gücləndirə biləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi