Mövlud Çavuşoğlu: “Türkiyənin Azərbaycan və Gürcüstan ilə mükəmməl münasibətləri var”

“Türkiyənin Azərbaycan və Gürcüstan ilə mükəmməl münasibətləri var”.

“Report”un yerli bürosu xəbər verir ki, bunu Türkiyənin xarici işlər naziri Mövlud Çavuşoğlu Tbilisidə keçirilən mətbuat konfransında bildirib.

Onun sözlərinə görə, hər üç ölkənin XİN başçıları əməkdaşlığı davam etdirərək daha da gücləndirməklə bağlı razılığa gəliblər.

Nazir qeyd edib ki, Türkiyə Azərbaycan və Gürcstandakı münaqişələrin sülh yolu ilə və ərazi bütövlüyü çərçivəsində həllinin tərəfdarıdır.