Yuxarı

Gürcüstan prezidentinin əfv etdiyi məhbuslar arasında azərbaycanlılar da var

Gürcüstan prezidentinin əfv etdiyi məhbuslar arasında azərbaycanlılar da var

2018

Georgi Marqvelaşvili 226 məhbusun əfv edilməsi barədə fərman imzalayıb
© Report — Gürcüstanın prezidenti Georgi Marqvelaşvili

Tbilisi. 12 oktyabr. REPORT.AZ/ "Gürcüstan prezidenti Georgi Marqvelaşvili 226 məhbusun əfv edilməsi barədə fərman imzalayıb. Onların sırasında azərbaycanlılar da var".

Bunu “Report”un Gürcüstan bürosuna açıqlamasında Gürcüstan Əfv Komissiyasının sədri Zviad Koridze deyib. 

Z.Koridze bildirib ki, komissiya sentyabrın 27-dən oktyabrın 4-dək ümumilikdə 1406 məhbusun müraciətinə baxıb: "Onlardan 226-nın əfv olunması barədə Gürcüstan prezidentinə müraciət olunub. Əfv olunanlar arasında qadınlar və azyaşlılar da var”.

Komissiya sədrinin sözlərinə görə, əfv olunanlardan 141-i həbsxanadan bu gün buraxılacaq, 85 nəfərin isə cəzası yüngülləşdirilib: “Gürcüstan prezidenti zaman-zaman məhbusların əfv olunması barədə fərmanlar imzalayıb. Əfv olunanlar arasında Gürcüstan vətəndaşı olan azərbaycanlılar da olub. Yeni əfv olunanlar arasında da azərbaycanlılar var”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi