Azərbaycan-Belarus Hökumətlərarası Komissiyanın iclası gələn ilin birinci rübündə keçiriləcək

Bakı. 17 dekabr. REPORT.AZ/ Azərbaycan-Belarus Hökumətlərarası Komissiyanın IX iclası gələn ilin birinci rübündə Minskdə keçiriləcək.

"Report" xəbər verir ki, bu barədə Belarusun Azərbaycandakı səfiri Nikolay Patskeviç mətbuat konfransında bildirib.

O qeyd edib ki, ikitərəfli münasibətlərdən başqa, iclasda həmçinin  Azərbaycan Prezidenti İlham Əliyevin Minskə səfərinin təşkili məsələləri müzakirə olunacaq.

"Hökumətlərarası Komissiyanın təşkilini gələn ilin ikinci yarımilliyinə saxlamamağa çalışmalıyıq", - səfir qeyd edib və əlavə edib ki, prezidentin səfəri 2015-ci ilin ikinci yarısında baş tuta bilər.