ATƏT DTİHB-nin uzunmüddətli müşahidəçi missiyası Azərbaycana gəlib

ATƏT-in Demokratik Təsisatlar və İnsan Hüquqları Bürosunun (DTİHB) uzunmüddətli müşahidə missiyası Azərbaycana gəlib.

"Report" xəbər verir ki, müşahidəçilər heyətinə Piter Teyler (İsveç) rəhbərlik edir.

Bu gün müşahidəçilər mətbuat konfransı keçirəcəklər və seçkilərə hazırlığı müşahidə etmək planları barədə danışacaqlar.

Daha əvvəl ATƏT DTİHB-nin fevralın 9-da keçiriləcək parlament seçkiləri ilə əlaqədar Azərbaycana 30 uzunmüddətli və 350 qısamüddətli müşahidəçi göndərəcəyi bildirilmişdi.