Aİ Ali Məhkəmənin qərarlarını alqışlayır

Avropa İttifaqı (Aİ) Azərbaycan Ali Məhkəməsinin Respublikaçı Alternativ Partiyasının (REAL) rəhbəri İlqar Məmmədov və hüquq müdafiəçisi Rəsul Cəfərovla bağlı qərarlarını alqışlayıb.

“Report” xəbər verir ki, bu barədə Aİ-nin Xarici Əlaqələr Departamentinin bəyanatında deyilir.

“Bu qərar çoxdan gözlənilən qərardır və yekunda Avropa İnsan Haqları Məhkəməsinin müvafiq qərarlarına tam uyğundur”, - təşkilatın açıqlamasında bildirilir.

Qeyd olunur ki, Avropa İttifaqı ölkədə demokratiya və insan haqlarının fundamental məsələlərini həll etmək üçün Azərbaycanla əməkdaşlıq və dialoqa davam edəcək.