Yuxarı

YAP sədrinin müavini: "Azərbaycan xalqı yenə düzgün seçim edib" - FOTO

YAP sədrinin müavini: "Azərbaycan xalqı yenə düzgün seçim edib" - FOTO
Əli Əhmədov: İlham Əliyevə səs verənlər Azərbaycandakı sabitliyə səs vermiş olurlar
© Foto: "Report"

Bakı. 11 aprel. REPORT.AZ/ "Azərbaycanda keçirilən Prezident seçkilərində 4 milyonadək seçici, yəni seçicilərin 74 faizdən çoxu iştirak edib".

“Report”un məlumatına görə, bunu Prezident seçkilərində Yeni Azərbaycan Partiyasının (YAP) səlahiyyətli nümayəndəsi, hakim Partiyanın sədr müavini - icra katibi Əli Əhmədov keçirdiyi mətbuat konfransında deyib.

Ə.Əhmədov bildirib ki, "exit-poll"un nəticələrinə görə, İlham Əliyev 80 faiz səs toplayıb: "Bu da o deməkdir ki, İlham Əliyev qələbə qazanacaq".

O qeyd edib ki, Azərbaycan xalqı yenə düzgün seçib edib: "İlham Əliyevin Prezidentliyi dövründə ölkə ciddi inkişaf edib və qüdrəti artıb".

Ə.Əhmədov bildirib ki, İlham Əliyev ölkə üçün çox böyük xidmətlər göstərib: "İlham Əliyevə səs verənlər Azərbaycandakı sabitliyə səs vermiş olurlar. Növbəti 7 il Azərbaycanda yeni inkişafın mərhələsi olacaq. Azərbaycan iqtisadiyyatı gücləndiriləcək və şaxələnəcək. Daha geniş dövlət proqramları işlənib hazırlanacaq. Dünya birliyində Azərbaycanın mövqeyi daha da güclənəcək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi