SMS icazə sistemindən istifadə edəcək vətəndaşlara müraciət olundu

“SMS icazə infeksiyanın yayılmasının qarşısının alınması üçün tətbiq edilən bir xidmətdir”.

"Report" xəbər verir ki, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Nazirlər Kabineti yanında Operativ Qərargahın brifinqində deyib.

“Əminəm ki, vətəndaşlarımız bu dəfə də yalnız zəruri hallarda və təyinatı üzrə SMS icazə sistemindən istifadə edəcəklər. Çalışaq, qaydalara uyğun olmayan mətnlərlə SMS kanalını məşğul etməyək. Əlbəttə, sui-istifadə hallarına yol verilməsi karantin rejiminin pozulması deməkdir, bununla bağlı qanunvericiliyin tələbinə uyğun tədbirlər görüləcək”, - o bildirib.