Milli Məclisin İntizam və Hesablayıcı komissiyalarının tərkibi açıqlanıb - SİYAHI

Bakı. 2 fevral. REPORT.AZ/ Azərbaycan Milli Məclisinin bu gün keçirilən plenar iclasında parlamentin İntizam və Hesablayıcı komissiyalarının yenidən təşkilinə dair məsələyə baxılıb. “Report” xəbər verir ki, deputatlar Fəttah Heydərov, Məlahət İbrahimqızı, Mirkazım Kazımov, Səttar Mehbalıyev, Fazil Mustafa, Siyavuş Novruzov və Sədaqət Vəliyevadan ibarət İntizam komissiyası təşkil olunub.

Hesablayıcı komissiyaya isə İsa Həbibbəyli, Qüdrət Həsənquliyev, Rafael Hüseynov, Xanhüseyn Kazımlı, Zahid Oruc və Mixail Zabelin daxil edilib.

Hər iki məsələ parlamentin iclasında səsə qoyularaq təsdiqlənib.