Yuxarı

Etimad İsmayılov torpağa tapşırılıb - YENİLƏNİB

Etimad İsmayılov torpağa tapşırılıb - YENİLƏNİB
© Report

Bakı. 21 sentyabr. REPORT.AZ/ Türkiyədə qətlə yetirilən azərbaycanlı iş adamı Etimad İsmayılov dəfn edilib.

“Report” xəbər verir ki, E.İsmayılov Bakının Sabunçu rayonu, Nardaran qəsəbəsinin qəbiristanlığında torpağa tapşırılıb.


*** 11:06

Bakı. 21 sentyabr. REPORT.AZ/ Türkiyədə qətlə yetirilən azərbaycanlı iş adamı Etimad İsmayılovla vida mərasimi onu ata evində - Sabunçu rayonu, Nardaran qəsəbəsində keçirilir.

“Report” xəbər verir ki, vida mərasimində mərhumun ailə üzvləri, ictimaiyyət nümayəndələri iştirak edirlər.

E.İsmayılov Nardaran qəsəbəsinin qəbiristanlığında torpağa tapşırılacaq.

Xatırladaq ki, Etimad İsmayılov İstanbuldakı ofisində Azərbaycanın sabiq polis rəisi Gözəl Dəmirovla mübahisə edib. G.Dəmirov tapança ilə E.İsmayılova 3 dəfə atəş açıb. G.Dəmirov hadisə baş verən ərazidən uzaqlaşıb. Ağır yaralanan E.İsmayılov xəstəxanaya çatdırılsa da, həkimlər onun həyatını xilas edə bilməyiblər.

Türkiyə polisinin apardığı əməliyyat-axtarış tədbirləri nəticəsində G.Dəmirov Beşiktaşda saxlanılıb, onunla birlikdə bir nəfər də tutulub.

Qeyd edək ki, Etimad İsmayılov Azərbaycanın sabiq baş prokuroru, Milli Məclisin sabiq deputatı, Ədalət Partiyasının sədri İlyas İsmayılovun oğludur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi