Yuxarı

Deputat: “Lenin və Stalinin heykəllərini, “26 Bakı komissarı”nın şərəfinə ucaldılmış abidəni yığıb saxlamaq lazımdır”

Deputat: “Lenin və Stalinin heykəllərini, “26 Bakı komissarı”nın şərəfinə ucaldılmış abidəni yığıb saxlamaq lazımdır”
“Həmin abidələri saxlamaqla gələcəy nəsili məlumatlandırmaq lazımdır”

Bakı. 19 sentyabr. REPORT.AZ/ “Keçmiş SSRİ-nin liderləri olan Lenin və İosif Stalinin heykəlləri uçurulub. Mən o vaxt da təklif etmişdim ki, bunları bir yerə yığıb saxlamaq lazımdır”.

“Report”un xəbərinə görə, bunu Milli Məclisin Mədəniyyət komitəsinin bu gün keçirilən iclasında komitə sədri Rafael Hüseynov deyib.

Deputat bildirib ki, bütün bunlar tarixdir: “Qəmli tarix də olsa, faktiki olub. “26 Bakı komissarı”nın, XI Qızıl Ordunun şərəfinə ucadılan abidə və digər abidələr bir yerdə saxlanmalı idi. Məktəbliləri ora aparmaq lazımdır və tanış etmək lazımdır ki, bu şəxslərin hansı fəaliyyəti olub. Məsələn, XI Qızıl Ordunu bizə xilaskar kimi təqdim edirdilər. Əslində, belə olmayıb. Ona görə həmin abidələri saxlamaqla gələcəyi nəsili məlumatlandırmaq lazımdır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi