Yuxarı

BŞİH Müsavat Partiyasının piketlə bağlı müraciətini cavablandırıb

BŞİH Müsavat Partiyasının piketlə bağlı müraciətini cavablandırıb
Bakı Şəhər İcra Hakimiyyətində müraciətə baxılıb
© Report

Bakı. 30 oktyabr. REPORT.AZ/ Bakı Şəhər İcra Hakimiyyəti (BŞİH) Müsavat Partiyasının piketlə bağlı müraciətini cavablandırıb.

“Report”un xəbərinə görə, Bakı Şəhər İcra Hakimiyyətində müraciətə baxılıb və Müsavat Partiyasının noyabrın 3-də saat 15:00-da BŞİH inzibati binası qarşısında piket keçirilməsinə razılıq verilməyib.

Bildirilib ki, Bakı Şəhər İcra Hakimiyyətinin binası qarşısında planlaşdırdığınız piketin keçirilməsi məqsədəuyğun hesab edilmir.

Qeyd olunub ki, Azərbaycan Respublikası rayon və şəhər icra hakimiyyəti orqanlarının inzibati binalarının ətrafında 200 metr radius çərçivəsində toplantıların keçirilməsi məhdudlaşdırılır.

Müsavat Partiyası BŞİH-in bu qərarını qanunsuz sayaraq yenidən piket üçün müraciət göndərib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi