Yuxarı

BNA-nın baş direktoru “Qarabağ” - “Roma” oyunundan sonra yaranan nəqliyyat probleminə aydınlıq gətirib

BNA-nın baş direktoru “Qarabağ” - “Roma” oyunundan sonra yaranan nəqliyyat probleminə aydınlıq gətirib
Biz gələcəkdə belə problemlərlə qarşılaşmamaq üçün strateji plan hazırlamışıq

Bakı. 20 oktyabr. REPORT.AZ/ “Dəmiryolu vağzalında, hava limanında taksilərin fəaliyyəti tənzimlənəcək. Bununla bağlı təkliflərimizi təqdim etmişik”.

“Report”un xəbərinə görə, bunu Bakı Nəqliyyat Agentliyinin (BNA) baş direktoru Vüsal Kərimli “ASAN Radio”ya müsahibəsində deyib.

Onun sözlərinə görə, həmin ərazilərdə fəaliyyət göstərən taksilərə müəyyən tələblər qoyulacaq: "Taksi sürücüləri dürüst olmalıdırlar. Avtobus dayanacaqlarında taksilərin maneə törətməsi ilə bağlı da müzakirələr aparılır”.

V.Kərimli “Qarabağ” - “Roma” oyunundan sonra Bakı Olimpiya Stadionundan çıxan azarkeşlərin daşınması ilə bağlı yaranmış problemə də aydınlıq gətirib: “Düzdür, müəyyən çətinliklər oldu. Oyun üçün zəruri olan 453 avtobus ayrılmışdı. Ancaq stadiona gələn azarkeşlər səhvən başqa istiqamətə yönləndirilmişdi. Biz gələcəkdə belə problemlərlə qarşılaşmamaq üçün strateji plan hazırlamışıq, hökumətə və təşkilatçılara təqdim edəcəyik. Belə tədbirlər zamanı təşkilatçılar əvvəlcədən işin koordinasiya olunması üçün Bakı Nəqliyyat Agentliyinə müraciət etməlidirlər”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi