Azərbaycanda gəmilərə nəzarətlə bağlı yeni Dövlət Xidməti yaradılıb

Bakı. 7 noyabr. REPORT.AZ/ Azərbaycan Fövqəladə Hallar Nazirliyinin strukturuna daxil olan Kiçik Həcmli Gəmilər üzrə Dövlət Müfəttişliyinin və Dövlət Sularda Xilasetmə Xidmətinin bazasında Kiçikhəcmli Gəmilərə Nəzarət və Sularda Xilasetmə Dövlət Xidməti yaradılacaq.

"Report" xəbər verir ki, prezident İlham Əliyev bu barədə fərman imzalayıb.

Xidmətin yaradılmasında məqsəd kiçikhəcmli gəmilərin hərəkətinin təhlükəsizliyinin, habelə su hövzələrində xilasetmə işinin təşkili sahəsində idarəetmənin təkmilləşdirilməsidir.