Xudatda avtomobil piyadanı vuraraq xəsarət yetirib

Xudat şəhərində avtomobil piyadanı vuraraq xəsarət yetirib.

“Report”un Şimal bürosunun xəbərinə görə, hadisə şəhərin mərkəzində baş verib.

Belə ki, Bakı şəhər sakini 1960-cı il təvəllüdlü Mahmudova Cumarət Qasım qızı yolu keçərkən avtomobil onu vurub.

Yaralı təcili tibbi yardımın köməkliyi ilə Xaçmaz Rayon Mərkəzi Xəstəxanasına çatdırılıb.

Piyadaları vuran sürücünün kimliyi hələ məlum deyil.

Faktla bağlı araşdırma aparılır.