Bakı 30° C
https://static.report.az/photo/41830f25-69de-3d82-a886-c07abf4b9c63.jpg
Ümumilikdə 105 nəfərdən çox əməkdaşın çalışdığı GemZA şirkəti mürəkkəb təmir işlərini həyata keçirmək, daha geniş çeşidli ehtiyat hissələri istehsal etmək, habelə xərcləri və təhvil vaxtını optimallaşdırmaq üçün yeni istehsal müəssisəsini istifadəyə verib. GemZA Holdinq 2005-ci ildə, mühəndislik, təchizat və inşaat şirkəti olaraq qurulmuşdur. GemZA Xəzər regionu, Türkiyə və Orta Şərqdə xüsusi əhəmmiyyətə malik neft və qeyri neft sektorunda istifadə olunan avadanlıqların tədarükü təmiri və istehsalı ilə məşğul olur.
Şirkət yeni investisiya layihəsi ilə Azərbaycanda modern anbarların əlçatanlığını təmin etmək, ölkənin təchizat zəncirinin dayanıqlığını gücləndirmək və Orta Dəhliz (Transxəzər Beynəlxalq Nəqliyyat Marşrutu) boyunca anbar tutumu imkanlarını artırmağı planlayır.
3 iyun tarixində baş tutan açılış mərasimi dövlət qurumlarının rəsmi şəxsləri, o cümlədən, beynəlxalq və nüfuzlu şirkətlərin rəhbərlərinin, ümumilikdə 300 nəfərdən çox sektor iştirakçısının iştirakı ilə baş tutub.
Tədbirin rəsmi açılış nitqini Kiçik və Orta Biznesin İnkişafı Agentliyin (KOBİA) sədri cənab Orxan Məmmədov, Finlandiya Respublikasının ölkəmizdəki fövqəladə və səlahiyyətli səfiri xanım Kirsti Narinen və GemZA Holdinqin rəhbəri cənab Zamin Əliyev ediblər. Natiqlərin hər biri öz növbəsində bu əlamətdar günə görə tədbir iştirakçılarına təbriklərini, xoş diləklərini və təşəkkürlərini dilə gətiriblər.
Məlumat üçün bildirək ki, GemZA Holdinq hal-hazırda 15 dən çox Avropa, Amerika, Azərbaycan, Post Sovet ölkələri və Türkiyə şirkətlərinin rəsmi nümayəndəsidir. Şirkət hal hazırda 15 dən çox avropa və amerika şirkətlərinin Azərbaycan, Post sovet ölkələri və Türkiyədə rəsmi nümayəndəsidir. Bu şirkətlər Chart-Howden, KSB, John Crane, Timken, BASF, Halder Topsoe, Leva, Aquaprox, Shinnippon, Mitsui, Kamat, Hoerbiger, Weg və Valmet kimi şirkətlərdir.
Açılış mərasimində şirkətlər millət vəkilləri Məzahir Əfəndiyev, Ceyhun Məmmədov, KOBİA sədri Orxan Məmmədov və digər qonaqların təqdimatında uğurlu əməkdaşlığa görə GEMZA Holdinq tərəfindən korporativ hədiyyə ilə təltif olundular.
Qeyd edək ki, holdinq həmçinin, Kiçik və Orta Biznes Subyektləri və Klublarının Assosiasiyasının “Xüsusi üzvü”-dür.
