Nazir müavini: "Bu ilin birinci rübündə ümumi daxili məhsul 1,2 dəfə artıb"

Bakı. 9 iyun. REPORT.AZ/ "2018-ci ilin birinci rübünə ölkədə ümumi daxili məhsul 1,2 dəfə artıb".

"Report" xəbər verir ki, bunu Bakıda keçirilən Avropada Mühafizəkarlar və İslahatçılar Alyansının sammitində çıxış edən Azərbaycan iqtisadiyyat nazirinin müavini Sahib Məmmədov deyib.

Onun sözlərinə görə, bu, həyata keçirilən iqtisadi siyasətin nəticəsidir: "Bu gün əsas diqqət ixraca, qeyri-neft ixracına yönəlib. Bu ilin birinci rübünə görə ixrac 16%, qeyri-neft sahəsinin ixracı isə 19,3% artıb. Biz bu siyasəti davam etdirəcəyik".