"Mitsubishi" Rusiyadakı zavodda avtomobil istehsalını dayandırıb

Yaponiyanın avtomobil istehsalçısı “Mitsubishi” Kaluqadakı zavodda avtomobillərin istehsalını müvəqqəti dayandırıb.

"Report" "RİA Novosti"yə istinadən xəbər verir ki, buna səbəb təchizatdakı fasilələr və logistik çətinliklərdir.

Qeyd edək ki, Rusiyada "Mitsubishi" avtomobillərinin "Outlander" və "Pajero Sport" modelləri Kaluqadakı zavodda istehsal olunur.

2021-ci ilin sonunda "Mitsubishi"nin Rusiyadakı satışları 1,6% azalaraq 27,7 min avtomobil təşkil edib.