Yuxarı
    Bağlamaq

    EBRD “Holcim (Azerbaijan)”da payını artırmaqdan imtina edib

    Bank payını indiki səviyyədə saxlamağa qərar verib

    Bakı. 24 avqust. REPORT.AZ/ Avropa Yenidənqurma və İnkişaf Bankı (EBRD) Azərbaycanın aparıcı sement istehsalçısı olan “Holcim (Azerbaijan)” ASC-dəki (Qaradağ Sement Zavodu) payını artırmaqdan imtina edib.

    Bu barədə “Report” xarici mətbuata istinadən xəbər verir.

    Məlumata görə, bununla bağlı qərarı Bankın Direktorlar Şurası qəbul edib. Lakin qərarın səbəbi açıqlanmayıb.

    Xatırladaq ki, EBRD hazırda Zavodun səhmlərinin 10%-nə nəzarət edir. Bank ötən il Azərbaycan iqtisadiyyatına dəstək çərçivəsində payını 20%-ə çatdırmağa qərar verib. “Holcim (Azerbaijan)”ın səhmlərinin 76%-i İsveçrənin “Lafarge Holcim” və "Holcim Auslandbeteiligungs GmbH.” şirkətlərinə (müvafiq olaraq 66% və 10%), 10%-i Avropa Yenidənqurma və İnkişaf Bankına (EBRD), 14%-i isə fiziki şəxslərə məxsusdur.

    2010-cu ildə yaradılmış səhmdar cəmiyyətinin nizamnamə kapitalı 31,813 mln. manatdır. Müəssisə 2015-ci ili 99 mln. manat, 2016-cı ili isə 27 mln. manat xalis zərərlə başa vurub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi