Bu il Azərbaycan qızıl ixracından qazancını 35 % artırıb

Bu ilin may ayında Azərbaycan xarici ölkələrə 22,8 milyon ABŞ dolları dəyərində qızıl ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2021-ci ilin iyun sayında bildirilir.

Bu, 2020-ci ilin may ayının göstəricisi ilə müqayisədə 1,8 milyon ABŞ dolları və ya 8,6 % çoxdur.

Bu ilin yanvar-may ayları ərzində isə Azərbaycan xarici ölkələrə 87,4 milyon ABŞ dolları dəyərində qızıl ixrac edib ki, bu da 2020-ci ilin 5 ayı ilə müqayisədə 22,7 milyon ABŞ dolları və ya 35,08 % çoxdur.