“AzerGold” “Çovdar” qızıl yatağının istismarından indiyə qədər 230 mln. manat gəlir əldə edib

Bakı. 7 dekabr. REPORT.AZ/ Azərbaycanın "Çovdar" qızıl yatağının istismar müddəti artırılacaq.

“Report” xəbər verir ki, bu barədə yatağın istismarını həyata keçirən “AzerGold” QSC-nin sədri Zakir İbrahimov məlumat verib.

“Mövcud infrastrukturdan istifadə etməklə əlavə qızıl və gümüş hasil edəcəyik. Bu isə məhsullarımızın maya dəyərinin azalmasına gətirib çıxaracaq. “Çovdar” qızıl yatağının istismarının I mərhələsində 450 mln. manat məbləğində gəlir əldə edilməlidir. 2016-2018-ci illərdə bunun 230 mln. manatı artıq əldə edilib. II mərhələdə isə gəlir 500 mln. manat təşkil edəcək”, - deyə o qeyd edib.