Azərbaycan qiymətli metalların ixracından 121 mln. manat qazanıb

Bakı. 27 dekabr. REPORT.AZ/ Bu ilin aprel-dekabr ayları ərzində “AzerGold” QSC həyata keçirdiyi ixrac əməliyyatları üzrə 60 552 unsiya qızıl və 86 806 unsiya gümüş ixrac edib.

“Report” şirkətin yaydığı məlumata istinadən xəbər verir ki, qiymətli metalların ixracı ölkə iqtisadiyyatına 121 mln. manatdan artıq gəlir gətirib.