“AvtoVAZ” istehsalı müvəqqəti dayandıracaq

Rusiyanın ən böyük avtomobil istehsalçısı “AvtoVAZ” şirkəti aprelin 29-dan mayın 18-na qədər istehsalı dayandıracaq.

“Report” TASS-a istinadən xəbər verir ki, bu barədə şirkətin həmkarlar təşkilatının sədri Sergey Zaytsev məlumat verib. 

Xatırladaq ki, bundan əvvəl "AvtoVAZ"ın satışının koronavirus (COVID-19) pandemiyası ilə əlaqədar 0-a yaxınlaşdığı, şirkətin xərclərinin artdığı bildirilmişdi. 

Avropa Biznes Assosiasiyasının (EBA) məlumatına görə “AvtoVAZ” ötən ay daxili bazarda 79,6 min ədəd “Lada” tipli avtomobil satıb ki, bu da ötən ilin eyni dövrünə nisbətən 3% azdır. 

Xatırladaq ki, "AvtoVAZ” “Renault – Nissan – Mitsubishi” alyansının üzvüdür.