Ağdam Sənaye Parkına 50 milyon manatdan çox pul qoyulacaq

İqtisadiyyat Nazirliyinin Ağdam Sənaye Parkına 50 milyon manatdan çox investisiya yatırılacaq.

"Report" xəbər verir ki, bunu İqtisadiyyat Nazirliyi yanında İqtisadi Zonaların İnkişafı Agentliyinin İdarə Heyətinin sədri Elşad Nuriyev bildirib.

O, bu barədə Bakıda keçirilən Azərbaycan-Avropa İttifaqı biznes forumunda danışıb.

"Parkda yaradılacaq yeni iş yerlərinin sayı 1 000-dən çox olacaq. İndiyə qədər 9 sahibkarlıq subyektinə rezidentlik statusu verilib. Bunun 4-ü son bir ayın payına düşüb. Yaxın 2 həftə ərzində rezidentlərin lazımi infrastrukturla təmin edilməsi işlərinə başlanılacaq, paralel olaraq onlar da istehsal müəssisələrinin inşasına başlayacaqlar", - deyə nazirlik rəsmisi qeyd edib.