Tədqiqatçı: "Azərbaycanda uşaq yaşda ölüm sayı 10%-dən yüksəkdir"

Bakı. 30 noyabr. REPORT.AZ/ "2010-2018-ci illərdə Azərbaycanda nikahlarda azalma (7,5-6,5), boşanmalarda isə sürətli artım (1,5-1,8) müşahidə olunur".

"Report" xəbər verir ki, bunu AMEA-nın Coğrafiya İnstitutunun coğrafiya üzrə fəlsəfə doktoru Etibar Bədəlov bildirib.

O, körpə ölümünə görə şəhərlə kənd əhalisi arasında böyük fərqlər olduğunu diqqətə çatdırıb.

E.Bədəlov bildirib ki, ölkədə uşaq yaşda (0-14) ölüm sayının 10%-dən yüksək olması qonşu ölkələr arasında ən böyük göstəricidir.

Onun fikrincə, demoqrafik proseslərdə baş verən mənfi proseslərin qarşısının alınması üçün dövlət səviyyəsində tədbirlər görülməli və əhalinin tibbi sığorta məsələləri tezliklə həyata keçirilməlidir.