Yuxarı

Sertifikasiya zamanı praktik tibb və əczaçılıq fəaliyyəti ilə məşğul olan işçilərə əlavə sullar vermək qadağan edilir

Əmək Məcəlləsinə təklif edilən dəyişikliyə əsasən, onların siyasi baxışlarına və etiqadına görə qiymətləndirilməsi yolverilməzdir

Bakı. 8 dekabr. REPORT.AZ/ Azərbaycanda bundan sonra sertifikasiya zamanı praktik tibb və əczaçılıq fəaliyyəti ilə məşğul olan işçilərə əlavə sullar vermək qadağan edilir. "Report" xəbər verir ki, bununla bağlı məsələ Milli Məclisin Əmək və sosial siyasət komitəsinin bu gün keçirilən iclasında müzakirəyə çıxarılıb. 

Əmək Məcəlləsinə təklif edilən dəyişikliyə əsasən, sertifikasiya zamanı praktik tibb və əczaçılıq fəaliyyəti ilə məşğul olan işçilərə onların fəaliyyət sahəsinə bilavasitə aid olmayan sualların verilməsi, habelə, onların siyasi baxışlarına və etiqadına görə qiymətləndirilməsi yolverilməzdir.

Komitə sədri Hadi Rəcəbli məcəlləyə təklif olunan dəyişikliyin çox əhəmiyyətli və vacib olduğunu deyib.

Müzakirələrdən sonra qanuna dəyişiklik layihəsi Milli Məclisin plenar iclasına tövsiyə olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi