Yuxarı

Səhiyyə Nazirliyi: 1 saylı Kliniki Tibbi Mərkəzin baş həkimi işdən çıxmaqla bağlı ərizə yazıb

Baş həkim vəzifəsi müvəqqəti olaraq II cərrahiyyə şöbəsinin müdiri Ədalət Dadaşova tapşırılıb

Balı. 4 may. REPORT.AZ/ 1 saylı Kliniki Tibbi Mərkəzin baş həkimi Sabit Hüseynzadə öz xahişi ilə işdən çıxmaqla bağlı ərizə yazıb. Bu barədə "Report"un sorğusuna cavab olaraq Səhiyyə Nazirliyinin mətbuat xidmətindən bildirilib.

Məlumata görə, hələ səhiyyə naziri Oqtay Şirəliyev S.Hüseynzadənin vəzifədən azad edilməsi ilə bağlı əmr imzalamayıb.

Tibbi mərkəzin baş həkimi vəzifəsi müvəqqəti olaraq II cərrahiyyə şöbəsinin müdiri Ədalət Dadaşova tapşırılıb.

Qeyd edək ki, S.Hüseynzadə baş həkim vəzifəsinə ötən ilin sentyabr ayında təyin olunmuşdu.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi