Yuxarı
    Bağlamaq

    Naxçıvanda 12 xəstə üzərində açıq ürək əməliyyatı aparılacaq

    Naxçıvan Respublika Xəstəxanasında “Azərbaycan səhiyyəsində yeniliklər” adlı elmi-praktiki konfrans keçirilir

    Bakı. 11 dekabr. REPORT.AZ/ Naxçıvanda millət vəkili, tanınmış ürək cərrahı Rəşad Mahmudovun rəhbərliyi ilə Mərkəzi Neftçilər Xəstəxanasının həkim briqadası 12 xəstə üzərində açıq ürək əməliyyatı aparacaq. 

    Bu barədə "Report"a deputat Rəşad Mahmudov özü məlumat verib.

    O bildirib ki, Naxçıvan Respublika Xəstəxanasında “Azərbaycan səhiyyəsində yeniliklər” adlı elmi-praktiki konfrans keçirilir: "Konfransda dünyada tibb sahəsindəki ən son yeniliklər, Azərbaycan səhiyyəsinin son illərdəki nailiyyətləri və Naxçıvanda səhiyyənin bu günü və gələcəyi mövzuları müzakirələrin əsas istiqamətidir".

    Millət vəkilinin sözlərinə görə, onun rəhbərliyi altında keçirilən aksiyada Mərkəzi Neftçilər Xəstəxanasının həkim briqadası 100-ə yaxın xəstə müayinə edəcək: "Eləcə də 12 xəstə üzərində açıq ürək əməliyyatı həyata keçiriləcək".

    Cərrah həmçinin qeyd edib ki, aksiya 10-14 dekabr tarixlərini əhatə edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi