Yuxarı
    Bağlamaq

    Bu gündən İrandan Azərbaycana quş məhsullarının gətirilməsi dayandırılıb

    İranda quş qripinin yayılması ilə əlaqədar Baş Dövlət Baytarlıq Müfəttişi sərəncam imzalayıb

    Bakı. 22 iyun. REPORT.AZ/ İran İslam Respublikasının ərazisində toyuqlar arasında yüksək patogenli quş qripinin yayılması ilə əlaqədar Azərbaycanın Kənd Təsərrüfatı Nazirliyi yanında Dövlət Baytarlıq Nəzarəti Xidməti sərəncam imzalayıb. Bu barədə "Report"a Xidmətin mətbuat mərkəzinin rəhbəri Yolçu Xanvəli məlumat verib.

    O bildirib ki, bu sərəncamla Ümumdünya Heyvan Sağlamlığı Təşkilatının (BEB) rəsmi məlumatına əsasən İran İslam Respublikasının Mazandaran (Noqardan, Amol əraziləri) əyalətində toyuqlar arasında yüksək patogenli quş qripi (H5N1) xəstəliyinin yayılması və Azərbaycan ərazisinin başqa dövlətlərdən keçə biləcək yoluxucu və epizootik xəstəliklərdən qorunması zərurəti nəzərə alınaraq bu gündən İran İslam Respublikasının Mazandaran bölgəsindən diri quş, quş məhsullarının, eləcə də damazlıq yumurtaların idxalı müvəqqəti dayandırılıb.

    İranda quşlar arasında yayılan yüksək patogenli quş qripi (H5N1) xəstəliyi ilə bağlı ölkəmizin bu xəstəlikdən qorunması üçün bütün zəruri tədbirlər görülməsi məqsədilə müvafiq strukturlara tapşırıqlar verilib, aidiyyəti dövlət qurumlarına və iş adamlarına bu barədə məlumat verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi