Yuxarı
    Bağlamaq

    ​Beynəlxalq ictimaiyyət ilk dəfə olaraq Beynəlxalq Yoqa gününü qeyd edib

    İyunun 21-də BMT qərargahının girişi qarşısında bəzi sadə yoqa hərəkətlərinin təqdimatı keçirilib

    Bakı. 22 iyun. REPORT.AZ/ Beynəlxalq ictimaiyyət ilk dəfə olaraq Beynəlxalq Yoqa gününü qeyd edib.

    "Report" Birləşmiş Millətlər Təşkilatının informasiya mərkəzinə istinadən xəbər verir ki, iyunun 21-də BMT qərargahının girişi qarşısında ziyarətçilər üçün bəzi sadə yoqa hərəkətlərinin təqdimatı keçirilib.

    Tədbirdə BMT-nin Baş katibi Pan Gi Mun və onun xanımı, diplomatlar, həmçinin, məşhur quru Şri Şri Ravi Şankar iştirak ediblər. Bu tədbirə web-translyasiya vasitəsilə ilə Hindistan və dünyanın digər yerlərində yoqa sevərlərin qatılması mümkün olub.

    BMT Baş katibi Pan Gi Mun yoqanın fiziki və psixoloji sağlamlığın gücləndirməsi və insanların rifahının yaxşılaşdırılması üçün bir vasitə olduğunu bildirib.

    Pan Gi Mun qərarı şərh edərək deyib ki, 21 iyun gününü Beynəlxalq Yoqa günü elan etməklə Baş Assambleya müasir dünyamızda bu qədim təcrübənin sağlamlıq və əmin-amanlıq üçün hərtərəfli faydasına diqqəti cəlb edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi