Yuxarı

Baş həkim: "Günəşli" yatağında yanıq xəsarəti alan Bəxtiyar Ələkbərovun vəziyyəti orta ağır olaraq qalır"

Şöhrət Məmmədov: Onun bədəninin 50 faizi yanıb, amma həyatı təhlükəsi yoxdur

Bakı. 7 dekabr. REPORT.AZ/ "Günəşli" yatağının 10-cu dərin dəniz özülündə baş vermiş yanğın və qəza nəticəsində xəsarət alaraq Respublika Yanıq Mərkəzinə gətirilən 1962-ci il təvəllüdlü Bəxtiyar Ələkbərovun vəziyyəti orta ağır olaraq qalır". Bunu "Report"a açıqlamasında mərkəzin baş həkimi Şöhrət Məmmədov deyib.

Onun sözlərinə görə, xəstəyə III və IV dərəcəli yanıq diaqnozu qoyulub: "Bu da bədənin 50 faiz hissəsinin yanması deməkdir. Buna baxmayaraq xəstənin həyatı təhlükəsi yoxdur. Səhhəti orta ağır olaraq qalır".

Bəxtiyar Ələkbərov özüldə operator vəzifəsində çalışıb. Bir anda yüksək təzyiqli qaz partlayışından sonra operator platformaya geri qayıdanda yanğınla üz-üzə gəlib. Ona görə də o, yanıq xəsarətləri alıb. Xilas edilən operator hazırda yanıq mərkəzində müalicəsini davam etdirir. 

Xatırladaq ki, dekabrın 4-də güclü tufan nəticəsində “Günəşli” yatağındakı 10 saylı dərin dəniz özülündə yüksək atmosfer təzyiqi ilə işləyən sualtı qaz xəttinin dayaq borusu qırılıb, boru kəməri zədələnib və yanğın baş verib. Xilasetmə əməliyyatı nəticəsində 33 nəfər xilas edilib. 1 nəfər neftçinin cəsədi ailəsinə təhvil verilib, 29 nəfərin axtarışı davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi