Yuxarı
    Bağlamaq

    Baş cərrah: "Böyrək satanlar cinayət edirlər" - FOTO

    Səhiyyə Nazirliyi: Orqan ticarəti qanunla qadağandır© Courtesy İmage

    Bakı. 3 aprel. REPORT.AZ/ Azərbaycanda orqan transplantasiyasına 2008-ci ilin dekabr ayında başlanıb. Bu əməliyyatlar zamanı donorlar əsasən yaxın qohumlar olurlar, amma bəzən yad adamlardan da böyrək alındığı barədə xəbərlər eşidirik. Paytaxtın müxtəlif yerlərində “Böyrəyimi satıram” tipli elanlarla tez-tez rastlaşırıq və həmin elanlarda nömrələr də qeyd olunur. Həmin elanlardan birində olan telefon nömrəsi ilə əlaqə saxladıq. 

    Elanın sahibi "Report"a adının Rəşad və 36 yaşının olduğunu bildirib: "Övladım ağır xəstədir. Beyninin gicgah nahiyəsinə su yığılıb, təcili əməliyyat olunmalıdır. Ona görə də 9 000 manat pula ehtiyacımız var, başqa yerdən pul tapmaq imkanım yoxdur. Övladımın yaşaması üçün böyrəyimi satmağa məcburam”.

    Səhiyyə Nazirliyinin baş mütəxəssisi, respublikanın baş cərrahı, əməkdar həkim Hacıqulu Bağırov "Report"a deyib ki, böyrək köçürülməsi zamanı donor yalnız xəstənin ən yaxın qohumu olmalıdır, yad adam ola bilməz: “Böyrək verən şəxs könüllü olmalıdır. Yad şəxsin donor olmasına icazə verilmir. Əgər maddi sövdələşmə varsa, Azərbaycan qanunlarına uyğun deyil. Böyrək satanlar da cinayət törədir. Milli Məclisdə orqan köçürülməsi ilə bağlı layihə müzakirə olunur”.

    Səhiyyə Nazirliyinin mətbuat xidmətinin əməkdaşı Səfayə Əhmədova isə vurğulayıb ki, Azərbaycanda orqan ticarəti, alış-verişi qanunla qadağanadır və Cinayət Məcəlləsinə əsasən cinayət məsuliyyəti daşıyır. Ona görə də böyrək donarları yalnız yaxın qohumlar ola bilərlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi