Yuxarı

Bakıda zibillikdə tapılan körpənin vəziyyəti düzəlib

O, Körpələr Evinə təhvil veriləcək

Bakı. 12 yanvar. REPORT.AZ/ Ötən il dekabr ayının 12-də Bakıda zibillikdə tapılan körpə reanimasiyadan çıxarılaraq yenidoğulanların patologiya şöbəsinə yerləşdirilib.

Bu barədə “Report”a K.Fərəcova adına Elmi-Tədqiqat Pediatriya İnstitutunun direktoru, respublikanın baş pediatrı Nəsib Quliyev məlumat verib.

N.Quliyevin sözlərinə görə, hazırda körpə reabilitasiya müalicəsi görür: “Şöbədə körpəyə xüsusi diqqət göstərilir, qidalanmasına diqqət edilir ki, çəkisi artsın”.

Baş pediatr əlavə edib ki, körpənin səhhəti tam yaxşı olduqdan sonra o, Körpələr Evinə təhvil veriləcək.

Qeyd edək ki, körpə tapılarkən göbəyi kəsilməmişdi. Eyni zamanda, xəstəxanaya gətirləndə onun kəskin tənəffüs çatışmazlığı olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi