Azərbaycanda əqli və fiziki cəhətdən qüsurlu uşaqların sayı açıqlanıb

Bakı. 23 oktyabr. REPORT.AZ/ Azərbaycanda əqli və fiziki cəhətdən qüsurlu olan uşaqların sayı açıqlanıb.

“Report” xəbər verir ki, ötən il ölkədə 1 358 kar uşaq qeydə alınıb.

Onlardan 31-i 1,5 yaşa qədər, 129-u 1,5-3 yaşlı, 224-ü 4-6 yaşlı, 128-i 7 yaşlı, 271-i 8-10 yaşlı, 575-i isə 11-17 yaşlı uşaqlardır.

Ölkədə zəif eşidənlərin sayı 3 287, kor olanlar 794 (onlardan 24-ü 1,5 yaşa qədər, 61-i 1,5-3 yaşlı, 137-si 4-6 yaşlı, 62-si 7 yaşlı, 149-u 8-10 yaşlı, 361-i isə 11-17 yaşlı), zəif görənlər 20 744, əqli cəhətdən zəif inkişaf edənlər 5 620, nitqi qüsulu olanlar 6 285, poliomielit və serebral iflic qalığı olanlar 4 455, skoliozlu (onurğa sümüyünün əyilməsi xəstəliyi) uşaqlar isə 5 219 nəfər təşkil edir.