Kasıb ölkələr “Comirnaty” peyvəndini almaqdan imtina edib

Kasıb ölkələr “Comirnaty” peyvəndini almaqdan imtina edib Aşağı gəlirli ölkələrə peyvənd maya dəyərinə təklif edilir
Sağlamlıq
179
8 May , 2021 06:15
Kasıb ölkələr “Comirnaty” peyvəndini almaqdan imtina edib

Dünyada azgəlirli ölkələr “Pfizer” və “BioNTech” şirkətlərinin istehsal etdiyi yeni növ koronavirus infeksiyasına qarşı “Comirnaty” peyvəndini sifariş etmirlər.

“Report” “Bloomberg”ə istinadən xəbər verir ki, bunu “Pfizer” şirkətinin prezidenti və baş icraçı direktoru Albert Burla bəyan edib.

“Bütün ölkələrdən peyvəndlərin paylanılması üçün sifariş vermələrini xahiş etdik. Faktiki olaraq, yüksək gəlirli dövlətlər dozaların çox hissəsini sifariş veriblər. Peyvəndin məhdud olduğuna inandırmaq üçün bir çox orta və aşağı gəlirli ölkələrin səlahiyyətliləri ilə əlaqə saxladım. Lakin, onlar peyvəndi digər dərman istehsalçılarından sifariş vermək barədə qərar qəbul ediblər”,deyə Burla bildirib.

Onun sözlərinə görə, orta gəlirli ölkələr peyvəndə görə yüksək gəlirli ölkələrin ödədiyinin yarısı qədər vəsait ödəməlidir. Aşağı gəlirli ölkələrə isə peyvənd maya dəyərinə təklif edilir.

A. Burla bildirib ki, şirkət bu il 116-dan çox ölkəyə 3 milyard doza peyvənd göndərməyi planlaşdırır. Bu günə qədər hazırlanan 450 milyon doza vaksin yüksək gəlirli ölkələrə ixrac edilib.

Son xəbərlər

Orphus sistemi