Dərinin gəncliyini qoruyan məhsullar müəyyənləşib

“Səhhət və dərinin gəncliyini qorumaq orqanizmin bütün sağlamlığına nəzarət etdikdən sonra mümkündür. Dərinin bərpasına yüksək tərkibli antioksidant, kollagen, həmçinin mineral olan qidalar kömək edir”.

“Report” “The Sun”a istinadən xəbər verir ki, bunu Şotlandiyanın Edinburq Universitetinin alimi Rupi Auyla deyib.

Araşdırmaçının sözlərinə görə, müxtəlif meyvə-tərəvəz məhsullarının istehlakı dərinin gəncliyinə müsbət təsir göstərir. R.Auyla həmçinin yemək rasionuna keyfiyyətli yağ və yüksək tərkibli sellüloz qatmağı tövsiyə edir.

Tədqiqatçı qeyd edib ki, qidadakı zəngin dəmirli, məsələn, qırmızı ət dərinin qocalığını tezləşdirir.