Braziliyada son sutkada koronavirusa 30 168 yeni yoluxma aşkarlanıb.
“Report” xəbər verir ki, bu barədə TASS ölkənin Səhiyyə Nazirliyinə istinadən məlumat yayıb.
Qeyd edilir ki, bununla da ölkədə COVID-19-a yoluxanların ümumi sayı 4 123 000-ə çatıb.
Son 24 saat ərzində COVID-19-dan 682 pasiyent vəfat edib. Beləliklə, Cənubi Amerikanın bu ölkəsində koronavirusdan ölənlərin ümumi sayı 126 203 nəfərə yüksəlib.
Eyni zamanda təhlükəli infeksiyaya yoluxmuş 3 296 702 pasiyent sağalıb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb.
Hazırda virus 218 ölkə və bölgədə qeydə alınıb.