Baş nazirin müavini saxta dərman satışına münasibət bildirib

Bakı. 7 may. REPORT.AZ/ "Bütün dünyada olduğu kimi, Azərbaycanda da saxta dərman satışı halları qeydə alınır. Buna qarşı daim mübarizə aparılır".

"Report" xəbər verir ki, bunu jurnalistlərə açıqlamasında baş nazirin müavini Əli Əhmədov deyib.

Onun sözlərinə görə, hüquq-mühafizə orqanlarının əməliyyatları saxta dərman satanlara qarşı zərbə olacaq: "Onlara tövsiyəmiz odur ki, saxta dərman satışı ilə məşğul olmasınlar. Çünki, bu, insan sağlamlığı üçün çox ziyanlıdır. Kimsə bu fəaliyyətini davam etdirəcəksə, onlar ciddi cəza alacaq".

Ə.Əhmədov qeyd edib ki, saxta dərman satışı ilə məşğul olmaq ən böyük cinayətdir.