Səhiyyə Nazirliyi: Çoxmərtəbəli binada baş verən yanğın nəticəsində 10 zəhərlənib, onlardan 4-ü uşaqdı - YENİLƏNİB

Bakı. 25 fevral. REPORT.AZ/ Hadisə zamanı tüstüdən zəhərlənən 10 nəfərə yerində həkimlər tərəfindən yardım göstərilib.

Bu barədə “Report”a Səhiyyə Nazirliyindən məlumat verilib. 

Onlardan 4-ü uşaq, 6-sı böyükdür: "Onların heç birinin həyati təhlükələri yoxdur".

*** 14:27

Bakıda yanğın baş verən çoxmərtəbəli binanın yerləşdiyi əraziyə 5 təcili tibbi yardım briqadası göndərilib.

Qeyd olunub ki, hadisə ilə əlaqədar təcili yardıma saat 12.55 radələrində çağırış daxil olub. 

Qeyd edək ki, Bakı şəhəri, Şəfaət Mehdiyev küçəsində yerləşən yeni çoxmərtəbəli binada yanğın başlayıb.