Azərbaycanda xəstəxanalarda müalicə alan koronavirus xəstələrinin sayı açıqlandı

Hazırda koronavirus infeksiyasına yoluxmuş 751 nəfərin xüsusi rejimli xəstəxanalarda müalicəsi davam etdirilir.

Bu barədə "Report"a Nazirlər Kabineti yanında Operativ Qərargahdan məlumat verilib.

Həmin şəxslərdən 33 nəfərinin vəziyyəti ağır, 47 nəfərin vəziyyəti orta ağır qiymətləndirilir, digərlərinin səhhəti stabildir.

Bundan başqa, hazırda ölkəmizdə müxtəlif karantin zonalarına yerləşdirilən 3 000 nəfərdən artıq vətəndaşın müayinəsi ilə bağlı müvafiq tədbirlər həyata keçirilir.

Qeyd edək ki, hazırda Azərbaycanda 822 nəfərin koronavirus infeksiyasına yoluxması faktı müəyyən edilib.